प्रवासी महिलेवर प्राणघातक हल्ला; ऑटो रिक्षा चालक 48 तासात अटक, लुटीतील वस्तू जप्त

February 14, 2026 पनवेल दिनांक

पनवेल दि. 14 (प्रतिनिधी) ता. 11 फेब्रुवारी 2026 रोजी संध्याकाळी पनवेलमधील करंजाडे परिसरात एक घातक घटना घडली. पिडीत महिला, संगिता सोमनाथ भोईर, रा. पनवेल, आपल्या घरी जात असताना एका ऑटो रिक्षाने अचानक थांबवून तिच्यावर धारदार चाकूने वार केला. या हल्ल्यात महिला गंभीर जखमी झाली, तसेच आरोपीने तिचे सोन्याचे मंगळसूत्र, सोन्याची चैन, मोबाईल आणि रोख रक्कम हिसकावून नेली. पनवेल शहर पोलीस ठाण्यात गुन्हा नोंद (गु. नं. 107/2026) केला गेला आणि भारतीय दंडसंहिता 2023 चे कलम 309(6) व 311 अंतर्गत कारवाई सुरु करण्यात आली. गुन्ह्याचे गांभीर्य लक्षात घेता सहा. पोलीस आयुक्त, पनवेल विभाग यांच्या मार्गदर्शनाखाली चार पोलीस पथके तयार करून तपास सुरु केला गेला. तपासादरम्यान CCTV फुटेज, तांत्रिक तपासणी आणि साक्षीदारांची माहिती गोळा केली गेली. एक प्रत्यक्षदर्शी साक्षीदाराने आरोपी ऑटो रिक्षा क्रमांकाच्या शेवटच्या चार अंकांची माहिती दिली. या आधारावर MH 04 LX 4619 या रिक्षाचा शोध लागला आणि रिक्षा चालक, अक्षय एकनाथ बागडे (वय 27, रा. करंजाडे), याची ओळख पटली. प्राथमिक चौकशीत आरोपीने हा गुन्हा कर्जाची परतफेड करण्यासाठी पैसे मिळविण्याच्या उद्देशाने केल्याचे कबूल केले. पिडीत महिलेकडून चोरलेले सोन्याचे मंगळसूत्र आणि गुन्ह्यात वापरलेली ऑटो रिक्षा जप्त करण्यात आली आहे. आरोपीला 48 तासांच्या आत अटक करून पोलीस कस्टडी रिमांडसाठी न्यायालयात हजर केले जाणार आहे. ही कारवाई सहा. पोलीस आयुक्त पनवेल विभाग, भाऊसाहेब ढोले यांच्या मार्गदर्शनाखाली पनवेल शहर पोलीस ठाणेचे वरिष्ठ पोलीस निरीक्षक नितीन ठाकरे, पोलीस निरीक्षक (गुन्हे) श्री शाकीर पटेल, पोलीस निरीक्षक (प्रशासन) अभिजीत अभंग आणि पथकातील सपोनि, पोउपनि व पोहवा यांच्या सक्रिय सहभागाने करण्यात आली. ही कारवाई पोलीस उप आयुक्त, परि 03, नवी मुंबई, प्रशांत मोहिते यांच्या नेतृत्वाखाली यशस्वी ठरली आहे.